اڈپی،21/جون (ایس او نیوز) اڈپی میں واقع کے ایم سی اسپتال کے ایمرجنسی یونٹ کے باہر موجود ایک بہت بڑا درخت گرنے سے دو افراد زخمی ہوگئے جبکہ کمپاؤنڈ میں پارک کی گئی چار کاروں کو نقصان پہنچا ہے۔
بتایاجاتا ہے کہ اسپتال سے باہر نکلنے والے دو افراد گرتے ہوئے درخت کی زد میں آ گئے۔ ان زخمیوں کو فوری طور پر اسپتال میں داخل کرلیا گیا۔ مقامی افراد کی مدد سے پولیس عملہ درخت کو کمپاؤنڈ سے ہٹانے میں لگاہوا ہے جس کے لئے جے سی بی مشین مدد لی گئی ہے۔